სკოლა თავისი 50 წლიანი არსებობს მანძილზე ორიენტირებულია ზუსტი და საბუნებისმეტყველო დისციპლინის გაღრმავებულ სწავლებაზე. კომაროვში მიღება მე-7 კლასიდან გამოცდების საშუალებით ხდება. აღსანიშნავია, რომ პედაგოგთა უმრავლესობა ,,კომაროველია”, რაც მათ ენთუზიაზმს აძლიერებს. მაღალკვალიფიციური აკადემიური პერსონალი მუდმივად ცდილობს არსებული სწავლა-სწავლების პროცესის დახვეწვას და გაუმჯობესებას, ასევე სასწავლო პროცესში ახალი ტექნოლოგიების დანერგვას.
 

• კომაროვი არის ერთ-ერთი საუკეთესო სკოლა, რომელიც უფასოდ იმავე დონის და უფრო მეტად ხარისხიან განათლების შანსს აძლევს ახალგაზრდებს, როგორც მოწინავე კომერციული სკოლები.
• კომაროვი - ეს არის ადგილი, სადაც კონცენტრირებულია ძალიან დიდი რაოდენობით ცოდნა, გამოცდილება, პროფესიონალიზმი და სწორი ხედვა.
• კომაროვი - ეს არის ყველაზე წარმატებული სკოლა იმიტომ, რომ არც ერთ სკოლას არ გაუზრდია იმდენი წარმატებული ადამიანი, რამდენიც კომაროვმა გაზარდა.
• კომაროველი პირველ რიგში გამოირჩევა თავისი თავისუფალი აზროვნების სტილით, ერთად ყოფნის უნარით, ერთგულებით, საზრიანობით და მიზანსწრაფულობით.
• კომაროველმა იცის შრომის ფასი და ესმის, რომ ნებისმიერი დიდი მიზნის მიღწევა შესაძლებელია ბევრი შრომის და პატიოსნების ფასად.
• კომაროველს შეუძლია დასვას შეკითხვა - რატომ?
• კომაროველობა ნიშნავს - გყავდეს ყველაზე დიდი, ყველაზე კარგი, ყველაზე ჭკვიანი სამეგობრო, რომელიც გეხმარება მიაღწიო საუკეთესო შედეგებს.
• კომაროველს შეუძლია ცხოვრების ნებისმიერი სირთულე მიიღოს როგორც ამოცანა და ეს ამოცანა ამოხსნას.
• ის ვინც შეძლებს კომაროვში მოხვედრას და მის დამთავრებას, დიდი ნაბიჯი ექნება გადადგმული პირადი და კარიერული კუთხით.
• კომაროვი - ეს არის ადგილი, სადაც ადამიანი იწრთობა ცხოვრების იმ ეტაპზე, როდესაც ეს მას ყველაზე მეტად სჭირდება.
• კომაროვი ადგილია, სადაც თავმოყრილია ბევრი მოტივაცია, სწავლის სიყვარული და განათლების პოზიტიური აურა.
• კომაროვის დამთავრება ნიშნავს საგზურს მომავალში, სადაც ნებისმიერი დაბრკოლება გადალახვადია.
• კომაროვი - ეს არის ტრამპლინი ბედნიერ და წარმატებულ მომავალში!